Ima kaqwampas chaywampas ima qawampipas… ¡Kusi Raymi!

2021 wata tukuyninman chayarun. Suni hinallataq qukman niraq wata, mana kay Covid-19 hatun unquy raykullachu aswanqa sapa kutilla política nisqan sasachakuy kasqan rayku, kamachikuq mana may risqanman yakuyyninwan chaynallataq kamachikuqwan mana tupaq umalliq qarquy munaqwan, iskayninku manay niraq ruwaqkuna.

Chaynapi, kay Bicentenario de la Proclamación de la Independencia de la República nisqan mana imallawan purirun; aswanqa, campaña electoral nisqanmanta hinallataq musuq kamachikuqpa punta killakunallapi, llumpay alliqman rikunamanta chaynallataq qatiqninkunapawan pawariramun llaqtapa ñawpaq mana yuyaymanayninkuna: usuchinakuy, millanakuy chaynallataq sarutyanakuy. Ichuqman riqkunamantañataq Ejecutivo nisqan ukunpi kaqmanta, yapamanta huñurirunku aslla runakuna kamachikuyta aparinankupaq, kikinku pura aysanakuspanku chaynallataq masi masinkunallata akllaspanku, kay iskay ñankunam aparin mana allin ruwaykunaman kay Repúblic nisqan wiñay kawsaymanta puni.

Chaywampas, peruanukuna chaynallataq peruanakuna lliw sasachakuykunata atiparunchik unquy kaqmanta, qullqi kaqmanta chaynallataq política kaqmantapas. Chaynapi, kay hatun unquy manaraq samariyta quwachkaptinchikpas, imakunatapas yuyaymanachkanchik chaynallataq kallpanchakuchkanchik. Pikuna manaraq vakunakuqkunapas – ima raykupas- kunan ruwarunku kamachikuq allinta unancharuptin chay carnet de vacunación nisqanta qawachikunapaq ima ruwanapaqpas may yaykunankupaqpas. Kay ruwaykunawanmi qawachkanchik llaqtarunakuna imaynas suyachkan Estado kamachikuykunata kallpanchananta lliwta kaqkamalla waqaychanampaq. Hina chaynatam nichwan kay SUNEDU nisqanmanta achka runakuna allinta amachachkan chay mana allin ruway munaqkunamanta pikunam kay Ley universitaria nisqanta allin puririsqanta qipachiyta munachakanku.

Kay wata tukynin kallapiña, Noticias SER ñawinchaqninkunaman chayachikamun ancha riqsikuyniykuta. Watapaq ruwasqaykuta yapamanta waqaychasaqku suyu ukumanta puni allin willakykunata chaynallataq tukuy niraq rimaykunata chayachinaykupaq ima kaqmantapas chaykuna mana allin qawarisqa kaqmanta. Kay 2022 watapi suyaniku hinallaraq puririysiwanaykikuta imayna kay chunka wata hinaña.

¡Kusi raymi qamkunapaq!

El Editorial de Noticias SER es traducido por Enma Díaz