Opinión

Castillo: iskay kutitawan allin ruwanampaq

2021-10-10
Por Noticias SER
coverFoto: Presidencia de la República

Mirtha Vásquez umalliq hina Consejo de Ministros nisqampa sutichayninmi tukurichiyta qallaykachin Guido Bellidupa pantasqa ruwayninkunata, pim yaqapas Congresupi tiyasqanmanta tikraykunqa mana allin tupayman umalliq Pedro Castilluwan. Kay riki qawarichikun Perú Librepi wakin kaqkunapa mana allin chaskiyninwan kay musuq sunturta, pitam yaqapas mana iñiyta quyta munanqakuchu qawan semanakunapi.

Pedro Castillo republicapa umalliq hina chayachisqan patidumanta kunan tutapayllapi rakinakuyninmi, ña takirisqa hina karqa. Perú Librepa chaynallataq umalliqnin Vladimir Cerrompa ninachayninkum llumpay qatun karun aslla ruway atiyninhina kay kamachikuy qaypasqan allin puririchinampaq. Ruwaykuna qallariynimpi Congreso umallinampaq chaynallataq allinnin huñu llamkaykunata qichurachikunku, kunanñataq Consejo de Ministros umalliq kamachikuyta qichurachikunku, yaqapas qipa ruwaykuna kanqa kay bancada oficialista nisqan rakinakunampaq. Lliw kay apakuchkan gobiernupa ninachaqkunapa “mana ima ruwayllanwan”.

Kaynapi, Castillupa chaynallataq musuq ministrapa kallpanchakuynin ancha qatunmi kachkan. Puntataqa, kay ruwaykua rayku kunanqa inskayña kachkan gobiernuwan mana allin tupaq: ultraderecha nisqan, paykuna musqunku kunanlla umalliq urqusqa kanampaq, hinallataq Perú Librepa wakin qatinkunam, kamachikuqpa contrampi rinqaku manaña congresullamantachu ichaqa lliw awqanakuykunata qapirispa chayman hinam llaqtapa sasachakuyninta huñuriyta munanqaku paykunapaq allinnimpaq.

Chaymi, allin kanqa Umalliq mana chinkachinanchu chay llaqtawan allin apanakusqanta, manaña rimayllawanñachu, ichaqa allin ruwaykunawan. Yapaykunapaqhina umalliq Ministra Mirtha Vásquez qawarichinan kanqa allin atiyninta kay administración estatal nisqanta puririchinampaq, ichaqa astawan maskanan kanqa wakin congresupi tiyaqkunawan allin rimanakuyta.

Aslla rimaykuna chaynallataq astawan allin ruwaykuna kachun gobiernomanta puni chaytam llaqta runakuna mañakuchkan hinallataq suyu maskachkan. Sasachakuykunapaq maskachkan allin atipakuykunata saludpi, ñawinchaypi chaynallataq llamkaypi, manam yanqa awqanakuytachu chaynallataq mana mayman atiq riq qayachikuytachu. Noticias SERpi yuyaymananiku iskaynin politikukuna lawmanta ninachakuyninmi asllayanqa gobiernupa ruwayninkunawan. Chay puririytam umalliq Castillo chaynallataq gabinete Vásquez qatirinanku. Manachayqa, umalliq urquy munaymii utaq Congreso wichqaymi chiqap rikurirunman.

El Editorial de NoticiasSER es traducido por Enma Díaz