Opinión

Suyupaq mana allin yuyaymanay

2021-12-19
Por Noticias SER
coverFoto: Andina

Universidad peruana nisqan, suyupi wakin institucionkuna hina, kimsa chunka wataña hapirayasqa kachkan mana allin llamkaqkunapa makimpi, pikunam Alberto Fujimori kamachikuy urqusqanmanta chay marco legal nisqan ñawinchay machqirisqa kanampaq qusqanmanta qapipakuraku ñawinchayta qullqipaq hina qawanankupaq. Chaywan ñawinchay qullqipaq hina qawaqkuna waranqantin yachakuqkunata chaynallataq ayllunkunatawan llalliypaq llallirunku mana allin ñawinchayta quspanku chay yachachisqanku mana imapaqpaq allinchu ichaqa cartón nisqampi sutillan kanampaq. Hatun llullakuykuna hina chay munachikuy ancha allin kara ñawinchayta qullqiyachinankupaq.

Chay raykum, SUNEDU licencia mana quy munasqanmanta puni chay achka mana allin hatun yachay wasikunaman, kaq ñawinchayta rantillapaq hina qawaqkuna maskaraku chay ley 30220 wichichiyta, chaypaq qapipakurqaku lliw yanapaq masinkunamanta chay legistalivo chaynallataq judicial nisqan ukumpi kaqkunamanta. Aswan qara uyantinraq, ñawinchaqkuna llullakusqankuta apaykachayta munaraku, pikunatam chaqwachiraku kay SUNEDU nisqanta kutipakunankupaq chay allin ñawinchay patachasqanmanta.

Kunan, huñumakuypi rimariqkuna mana tupariq kaqkuna kay política ukun nisqampi, kay Renovación Popular, Fuerza Popular, Acción Popular chaynallataq Perú Libre nisqankuna, rimanakurunku Kay Comisión de Educación nisqampi huk mañakuyta puririchinankupaq chaymi maskachkan chay hatun yachay wasikuna mana allin kaspan wichqachikuqkunata iskay wata pacha hina yapamanta licencia nisqanta urqunankupaq chaynallataq maskachkanku SUNEDU nisqampa kanachiqninkunata huknampaman tikrachiyta.

Noticias SERpi kay SUNEDU nisqanta mana allinman chayachiy munaqninkuta anyariniku, maypin tupanakurunku politicapi kallpanchakuqkuna ichuq chaynallataq alliq kaqpi, pikunam mana huk ruwayninkupi tupariq waklawninman, qipa punchawkunamanta qawachikuchkanku mana munayninkuta chay política nisqampi kasqankumanta. Mañariniku llaqta runakunata astawan suyupa lliw ñawinchaqkunata, amachachunku derechunkuta allin ñawinchay chaskinankupaq, hinallataq yanqa llulla takikunata mana uyarinankupaq nitaq chay mana allin hatun yachaywasikunapi llamkaqkunata ama uyninankupaq.

El Editorial de Noticias SER es traducido por Enma Díaz.