Opinión

Perú huk ministro del Interiorpaqmi

2021-10-17
Por Noticias SER
coverPresidencia de la República

Musuq gabinitim allin chaskisqa karun runakunapa qawariyninman chaywampas, hinallarqmi kachkan, Luis Barranzuela Vite, musuq minsitro del interiormanta mana allin rimaykuna, paymi karqa Vladimir Cerrompa chaynallataq Perú Librepa wakin qatiqninkunapa amachaqnin kay sasachakuypi “Los Dinámicos del Centro nisqampi”, chaymi hinallaraq qatipakuypi kachkan. Aswan amachaq hina llamkayninkunaman, kunan ministro del interiorqa 150 (pachak pichqa chunka) wanachikuytam chaskisqa, Policía Nacional del Perú llamkasqampi.

Kay ñawpaq ruwayninkunam manam asllachu. Puntataqa kachkan, pim suwakuq runakunata, drogapi llamkaqkunata chaynallataq lliw suyupi llaqtarunakunapa sasachakuynin qawariqqa kanan allin ruwayniyuqmi ichaqa manam chaynachu kachkan kunan ministroqa. Iskay patanman kachkan, Ministro Barranzuela chaynallataq Perú Libre punta kuska kayninmi justiciata mana allinman churarunman, kaymanta puni qallarispa kay secturmi ancha allin yachaykunata aparin aswanraq Cerronpa kasunkunata haypariqta chay fiscaliapa operativos policiales kamachikuykunata.

Huk llakichikuymi kachkan Kay política antidrogas nisqan. Devidapa umalliqnin, Fidel Pintado, kamachikuyninta saqirun Ministro Barranzuela rimasqawan rayku, pim huk comisión parlamentaria nisqampi nirqa kay entidadsi presupuestunta mana allintachu apan chaynallataq mana allin ruwaykunas kachkanman. Ancha allinmi kay estrategias antidrogas yapamanta qawariyqa, ichaqa allin kanampaq manam llutantachu ruwanankuqa nitaq kamachikuqkunapa allin kayninta qichuspachu. Chayqa drogapi llamkaqkunapa allinninpaqmi, manam imaynapas kuka tarpuqkunapaqchu pikuman umalliq Pedro Castillopaq yaqapas lliwmanta vutaraku.

Ñawpaq ruwasqanta qawarispa chaynallataq kay sector Interior nisqampi kamachikuy qallarisqankunawan, Noticias SERpi yuyaymananiku ministro Barranzuela kayninqa kay seguridad ciudadana nisqantaqa manan waqaychanchu, nitaq manam allintachu qarkanman kay delincuencia común chaynallataq narcotráfico nisqantaqa. Perúqa huk ministro del interiorpaqmi allin ruwayniyuqpaq hinallataq mana makin pakichikuqpaq, ichaqa manan kayna runatachu yaqapas akllasqa kanman hina Vladimir Cerronpa allininta waqaychanampaq.

El Editorial de NoticiasSER es traducido por Enma Díaz