¿Maymantaq gobierno rin?

Pedro Castillupa kamachikuynin qallarisqampi yaqa Iskay chunka punchaw yupayman hinallaraq chaynallataq huk semanallanman kay gabinete Bellido nisqan Congreso de la Republicaman rinan kachkaptin, suyupa mana may risqan yachakuyninwanmi manchakuy astawan yapakuchkan. Huknin patanmantam, gobierno manaraq yachayta qukunchu imaynatataqsi ruwanqa kay 28 de julio munachiskusqanta, hukninmantañataq, wakin bancada parlamentaria nisqanmi purichkanku kikinku awqanakuypi chaynallataq gobiernowan mana allin tupaypi. Chawpipiñataq utaq waqtallampi kachkan llaqtarunakunapa munayninku asllayaynin kay gobiernupa atiyninmanta.

Kamachikuqkunapa chaynallataq mana gobiernuwan tupaqkunapa tukuy ninakuyninmi -huk huñulla qatun medios de comunicación nisqanpa yanapakuyninwan- kay gabinete Bellido nisqanman punta sasachakuyninta aparamun: Héctor Bejar lluqsirun. Manaraq qayasqa kachkaspan rimasqanmi kayman chayman willarisqa rikurirun, kay 70 watakunapi sasachakuykunamanta chaynallataq manchakuykunamanta rimasqanmi Marina de Guerra nisqanpa rimariyninta qatarirachin –piñaraq aswanqa mana allin hinaraq- chaypa puntampi Congresopa mañakuyninwan chay rimaykunamanta allinta willakunampaq chaynallataq redes sociales nisqampa hinallataq sapakuti rapi willakuykunapa mana allin willakuyninkunawan. Bejarpa lluqsiyninmi gobienupa mana allin atiyninta qawachichkan kay kunan ex cancillerpa qayachisqanta amachanampaq chay llamkasqanman hina.

Astawan kay ima rimaykunamantapas kay wiñay kawsaykunamanta utaq mana yuyay munayninmanta kay historia política ñawpaq siglo XX nsqanmantaraq, Bejarwan apakusqanmi ancha llaki kachkan huk imakuna rayku. Puntataqa, vacuna rantiy qaypaypi. Chaymantaqa, goniernupa mana atiyninta chaynallataq ukumpi sasachakuyninta qawachiynimpi, astawan kayqa mirachisqa kachkan mana kay gobiernopa mana tupaqkunallapa chaynallataq wakin yanapaqkunapa ruwayllanwanchu, ichaqa Vladimir Cerrompa nisyu sapa punchaw rimay munayninwanmi, chay allilla tupachisqa Pedro Castillupa upalla kayninwan. Chay raykum umalliqpa kamachikuynin ukullapiña rikurirun, kayqa aswan allinmi chay gobierno piñapayaqkunapaq chayman hina ima atiypaykunatapas qasillallla qaypachkanku.

Noticias SERpi qawariniku kay nisyu mana tupay munaypi kay gobierno piñapayaqkunawan chaynallataq hina gobiernuwan, umalliq Castillum qawarinan llaqta runakunapa piñapakuyninta kay imakuna llumpay chaninchasqa utaq kay vacunación apakuypi sasachakuy kasqankunawan, punta vutaypi utaq segunda vuelta nisqampi runakunapa munaynimpi, sasachakuyninkum chaynallataq mañakuyninkunam puririchisqa kananta suyachkan, ichaqa mana aswan ruway munayllatachu. Chay corredor minero del sur nisqanwan Chumbivilcas llaqtakuna qipanchasqa kaqkunam parota qallarinqaku, chaymi punta qayachikuy kachkan chataqa manan gobiernoqa mana uyariqtukuq hinaqa kanmanchu.