Opinión

Manchakuypi ñakariqkunam hinallaraq justiciata suyachkanku

Por Noticias SER
Manchakuypi ñakariqkunam hinallaraq justiciata suyachkankuFoto ©Anfasep

Yachasqa hina, Abimael Guzmanpa wañukuyninmi ancha nanaywan yuyarirachikun mana allinkuna ruwasqanta chay qukman politika rimasqan rayku chaypa ukumpitaqmi Estado Peruanotapas kamaykura. Wirpumpa mana may risqanmi chaqwata qatarirachin, chay eleccionispa qipa punchawkuna hinaraqmi karun, chayman qatiykun kamachikuqkuna mana qawayninku kayna mana allin runakuna carcelpi wiñaypaq tiyaqkuna wañukuptin kay mana allin umalliq hina.

Llumpay patallampi kasqanmanta chaynallataq imatataq ruwara kay sasachakuy tiempupi qawarina kachkaptin, Guzmampa wañukuyninta wakin kunakuna qapirichkanku kay chiqninakuyta “allinta hina” qawarinapaq. Lliw Estadupa kamachikuqkunapa kaytam nin waktam nin ninakuyninkupim chaynallataq kamachikuqkunapa mana imayna ruway atiynin lliw tumpaykuna chaskisqanmanta hinallataq mana gobiernuwan allin tupaqkunapa mana allin ruwaynimpi, astawan chay mana qaway munaqkunapa, chaykunapa ukumpim wichqarayasqa kachkanchik

Estadupa makimpim kachkan kay mana allin runa manchakuy apamuqpa wirpun ama iñinchasqa utaq asipayasqa kanampaq. Guzmampa hina kaynakuna apakuptimpas, kamachikuyman hinam imatapas ruwana kanqa, Peru suyupi kaykunamantaqa chuyanchasqam kachkan: wañukuqpa wirpuntaqa aylluykunam imatapas ruwanan, pi kaptimpas.

Huk lawmanta qawarispaqa, Guzmanpa wirpunmanta ancha munay yachaymi llakichikun kay waranqantin chinkasqa peruanukuna chaynallataq peruanakuna watantin manaraq maskasqa kankuchu hinallaraqmi kunankama chullalla uchkupi sawarisqa chaynallataq kaypi chaypi pampasqa kachkanku, utaq Ministerio Público nisqampi churasqa kackanku kay sasachakuy tiempo apakusqanmanta qatipakuykunapa chiqapnin hina. Waranqantin ayllukunam kanku, Anfaseppi mamakunamanta qallarispa, pikunam achka wiñay kawsayña mañakuchkanku wawankuna, qusankuna, taytankuna, ñañankuna chyanallataq turinkuna valichisqa kanankupaq, ichaqa kay clase pilitica nisqanchik mana ruwayninwan, medios de comunicación nisqankupas nitaq Estadupi kaqkunamantapas manam mayqinmantapass justicia haypanakupaq qatipankuchu.

Noticias SERpi yuyaymananiku kay kunan apakusqanmi qawachiwachkanchik Estado imayna mana allin kasqanta chaynallataq kamachikuykunaman aslla manchakuy kasqanta, chaymi ancha llakikuy lliwpaq. Llaqtapaq aswan llaqui kanqa, kay Sendero wichichiq, sichu Abimael Guzmán wañukuyninta atiparunqa llaqtapa qawampi. Payta chaynallataq qatipninkunataqa manam imapas qukurachu sasachakuy watakunaki wañuchisqanku runakunapa wirpunku. Huk puririyta taripasun: justiciata haypaykusun chay achka manchakuypi ñakariqkunapaq.

El Editorial de NoticiasSER es traducido por Enma Díaz