Opinión

Kamachikuna pacha

Por Noticias SER
Kamachikuna pachaPresidencia de la República

Congreso de la Republica nisqampi umalliq urqunapaq mañakuy kaqta mana chaskyninkum umalliq Pedro Castillupaq llalliynin karun. Gobiernuwan mana tupaq nisyu alliqman riq, huñunasqa kachkanku kay Renovación Popular, Avanza País chaynallataq Fuerza Popular kaqkunawan hinallataq kay chaqwa ruwaqkunawan, kaywan chuyata wichiykunku, chaywampas hinam kuti tikranqaku kayna mañakuykunawan.

Gobiernuwan mana tupaqkunapa waklawninman, suyupa wakin llaqtarunankuna tapukuchkan ¿kamachikuq maymantaq rinqa? Chaynallataq sichu imallatapas ruwanqa kamchikuy qallarisqanmanta kay mana kuyuriy atisqanmanta. Utaqchu tikrayman rinqa, qasillallachu suyanqa huk willakuykuna lluqsimunankama, imaynapas chay willakuykunaqa rikurinqam.

¿Huk gobierno amachakuyllapi kaq chaynallataq sapa ima kaptillan imatapas ruwaq, mana tupaqkunapa sapa kuti awqanakuyninwan pichqa watata sayarinmanchu? atirunmanpasmi kay awqaqkunapa yanapakuyninwan, ichaqa sasam kanqa kaynakunataqa suyuqa astawanqa qimipayayta manañam atinmanñachu. Kunan kaq qullqi sasachakuy, kay qatun mastarisqa unquy wakchayaypi saqiwasqanchik chaynallataq kay qipa chunkawatakunapi imam kaq nanaykuna huñurisqa kaqkuna –kaynakuna raykum Pedro Castillo kamachikuyta hayparum- qawachikuchkan qatun awqanakuykunapi chaynallataq tukuy chaqwakunapi, kay sasachakuykuna kamachikuqmanta puni manaraq chayskinchu imayna allichanatapas.

Chiqapmi kay gobiernuwan mana tupaq huñunakuypi llamkaqkuna chaynallataq hatun medios de comunicación nisqan –kay killakunapi pinqay llamkayninkuwan- kamachikuqta manam samarichinqakuchu, ichaqa pisillam yachaynin ima sasachakuyman yaykuchinampaqpas Poder Ejecutivo hamurpasqanmantaqa. Qawaykunapaq hina, ruwayninkunata tuparichisqaqa kunankama manaraq mayqinkunatapas llalliyta atinkuchu chay ministrukuna urquyllatapas, chaywan kay gobiernuwan mana tupaqkuna qawachikuchkanku yanqa piñatukuqlla kasqanta, umalliq hina, llaqta runapa iñiyninta amirachinku kay política nisqan mana allin apayninwan.

Noticias SERpi suyachkaniku kay gobierno ama kawsarinallampaq hinachu llamkachun kay pichqa watapaq akllasqa kachkaspan. Kay gobiernuwan mana tupaqkuna, yanqa rimayninkunawan chaynallataq manay llaqui yachyaninta qawachikuyninwan, Pedro castilloman huk patachayta huykun. Perú suyuqa manam kayna yanqa purinampaqchu, chaymi kamachikuq suyupa sasachakuyninta allichanampaq llamkanan. Wiraqucha Umalliq, campañapi llamkaysisuqnikita amaña kutichiyñachu chaynallataq kamachikuyta amaña aypukuychu, kamachikunayki pachañam.

El Editorial de Noticias SER es traducido por Enma Díaz